बोपोडी : समाजात आज जी अस्वस्थता निर्माण झाली आहे ती नाहीशी करण्याकरिता आपल्या थोर समाजसुधारकांनी आपल्याला जी शिकवण समस्त मानव जाती च्या कल्याण करिता दिली आहे त्याचा सदुपयोग करण्याची वेळ आली आहे त्या साठी सर्वांनी एकत्रित येऊन मानवता टिकवली पाहिजे अशा शब्दात सर्वच धर्म गुरूंनी आपले मत व्यक्त केले.
रमझान ईद निम्मित राष्ट्रीय एकात्मता आणि बंधू भाव बंधू कायम रहावा या उद्देशाने सर्व धर्मीय ईद मिलनाचा कार्यक्रम बोपोडी भाजी मंडई येथे जमातुल मुस्लमिन बोपोडी पुणे च्या वतीने आयोजित करण्यात आला होता. त्या वेळी सर्व धर्म गुरूंनी आपली भूमिका मांडीत शुभेच्छा दिल्या.
कार्यक्रमाचे प्रास्ताविक जुबेर पिरजादे, सूत्रसंचालन सादिकभाई शेख आणि आभार डॉ. निसार खान यांनी मानले. कार्यक्रम यशस्वी करण्याकरिता मुनाफ शेख, सलीम बेपारी, बाबाजान शेख, फारुख पिरजादे, शहाबुद्दीन काजी, बाबाजान सौदागर, रियाझ इनामदार, करीम शेख, नौशाद सौदागर, सादिक शेख, मुजीफ बुखारी, आयुब शेख, अबुल वाजिद, सिद्दिक पठाण, करीम तुर्क, अहमद मणियार इत्यादींनी विशेष परिश्रम घेतले.
