खडकी शिक्षण संस्थेच्या पी.पी.एम.बाल शिक्षण मंदिर येथे बाल विदयार्थ्यांचा शाळेचा प्रवेश दिन एका अनोख्या उपक्रमा द्वारे साजरा करण्यात आला. शाळा वर्ग प्रवेश करताना प्रत्येक बालकांच्या पावलांचे ठसे एका कोऱ्या पानावर घेऊन त्यावर त्यांचे नाव लिहून संस्थेचे अध्यक्ष कृष्णकुमार गोयलजी यांच्या हस्ते त्यांच्या पालकांना एक आगळी वेगळी अनमोल भेट देण्यात आली. गोयल साहेबांच्या हस्ते सरस्वतीचे पूजन करून या अनोख्या उपक्रमाची सुरुवात करण्यात आली.
संचालक टिळेकर सर,ज्ञानेश्वर मुरकुटे,राजेंद्र भुतडा, अनिल भिसे,संपादक संतोष शिंदे,पत्रकार दत्ता सूर्यवंशी,शाळेच्या मुख्याध्यापिका शुभांगी बरेल्लू,शिक्षिका वंदना शिवशरण, फेंगसे सर मिलिंद माने इत्यादी उपस्थित होते.
या वेळी गोयल साहेब म्हणाले आपली मातृभाषा मराठी आहे आणि ती जगविण्यासाठी आपण सर्वानी पुढे येऊन जास्तीत जास्त मराठी वर्ग मुलांच्या संख्येने कसे भरतील त्या करिता विशेष प्रयत्न करणे गरजेचे आहे.
