पत्रकार नामदेव निर्मळे:कोल्हापूर :टाकळीवाडी तालुका शिरोळ येथील श्री गणपती बंडू खोत यांचे शिक्षण दहावी झाले. अतिशय खडतर प्रवास करून त्यांनी नोकरी मिळवली. १ली ते ९ वी पर्यंत ते दत्तवाड तालुका शिरोळ येथील शाळेमध्ये पायी अनवाणी चालत जाऊन त्यांनी शिक्षण पूर्ण केले.
टाकळीवाडी ते दत्तवाड हा ४ किलोमीटरचा रस्ता अतिशय पूर्णपणे खराब झालेला होता. गुडघाभर रस्त्यात खड्डे होते. पावसाळ्यात तर अतिशय परिस्थिती वाईट होती. रस्त्यामधील खड्ड्यांमध्ये पाणी साचलेले असायचे
परिस्थिती अतिशय हलाखीची असल्यामुळे अंगावर शाळेचा गणवेश सुद्धा मिळायचा नाही. फाटके तुटके शर्ट असायचे. शर्टला बटणे नसायची.
पावसाळ्यात अंगावर एखादे गोणपाट घेऊन आपले कसेबसे दप्तर न भिजवता ती शाळा गाठावायचे. हिवाळ्यात अंगावर स्वेटर सुद्धा मिळायचे नाही. अशा परिस्थितीत त्यांनी आपले शिक्षण पूर्ण केले.
देशासाठी काहीतरी करावे हे सारखे मनात त्यांच्या रुजत होते. ते दोन वेळा भारतीय सेना मध्ये भरती सुद्धा झाले. परंतु घरच्या परिस्थितीमुळे ते जाऊ शकले नाहीत.
अशा परिस्थितीत ते 1984 यावर्षी कोल्हापूर येथे महाराष्ट्र पोलीस दलात भरती झाले. यांचे ट्रेनिंग पुणे येथील रामटेकडी येथे 13 महिने पूर्ण केले.
हवालदार या पदानंतर त्यांची पी.एस.आय पदी निवड झाली.
त्यांची 31 मे 2023 रोजी पी.एस.आय पदावरून 39 वर्षे सेवा करून सेवानिवृत्त झाले. त्यांची गावांमधून भव्य जंगी मिरवणूक काढण्यात आली.
