आळंदी ( मल्हारभाऊकाळे) : केंद्र सरकार देशात आणि राज्य शासन राज्यात अनेक लोकहिताच्या योजना आणि विविध विकासाची कामे राबवित आहे. यातून देशाचा विकास आणि प्रगती झाली असून या लोकोपयोगी योजना लोकांपर्यंत जनजागृतीच्या माध्यमातून मोदी@9 महाजनसंपर्क अभियान अंतर्गत पोहोचविण्याचे कार्य कार्यकर्त्यांनी प्रभावीपणे करण्याची गरज असल्याचे केंद्रीय रेल्वे राज्यमंत्री रावसाहेब दानवे पाटील यांनी सांगितले.
पंतप्रधान नरेंद्र मोदी यांच्या नेतृत्वात केंद्र सरकारला नऊ वर्षे पूर्ण झाल्या बद्दल भारतीय जनता पक्षाच्या वतीने देशात मोदी@9 महाजनसंपर्क अभियान सुरु करण्यात आले आहे. या उपक्रमातील कार्याचा भाग म्हंणून शिरूर लोकसभा मतदार संघात केंद्रीय रेल्वे राज्यमंत्री रावसाहेब दानवे पाटील यांची जाहीर सहा आळंदीत झाली. यावेळी ते बोलत होते.
दानवे यांनी यावेळी पंतप्रधान नरेंद्र मोदी यांच्या नेतृत्वात केंद्र सरकारला ९ वर्षे पूर्ण झाल्याने मोदी@९ महाजनसंपर्क अभियानने भाजप मध्ये चैतन्य निर्माण केले आहे. केंद्र सरकारने नऊ वर्षात केलेली विकास कामे घरा घरात घेऊन जाण्याचे कार्य या अभियान च्या माध्यमातून कार्यकर्त्यांनी करायचे आहे. यातून शिरूर लोकसभा मतदार संघात जनजागृती होईल. भविष्यात भाजप – शिवसेना युतीचा खासदार आपलाच असेल असे त्यांनी सांगितले. आमदार महेश लांडगे यांचेसह उपस्थित पदाधिकारी यांनी या अभियान मध्ये संवाद साधून उपस्थितांना मार्गदर्शन केले.
पुणे जिल्हा अध्यक्ष गणेश भेगडे यांनी प्रास्ताविक केले. महेंद्र खंडारे यांनी सुत्रसंचलन केले. आळंदी नगरपरिषद माजी नगराध्यक्षा वैजयंता उमरगेकर यांनी आभार मानले
