विविध सांस्कृतिक कलाकृतींची रेलचेल असणाऱ्या कलाकार कट्यावर शाहू महाराजांच्या कार्याचा उजाळा करणारा पोवाडा, कथा यांचं सादरीकरण झालं. निमित्त होते राजर्षी शाहू महाराज यांच्या १४९ व्या जयंती बाबत अभिवादन कार्यक्रमाचा. हा कार्यक्रम २६ जूनला संध्या ६.३० वाजता कलाकार कट्यावर लोकायत संघटनेच्या सांस्कृतिक आघाडी काफिलाने सादर केला.
पुढे नेऊया शाहू कार्याला, त्यांच्या विचारांना, त्यांच्या न्यायाला…
मिळूनी हाक देऊ रयतेला,
एकीनं बांधू कष्टकऱ्यांना
उभारूया नव्या समाजाला जी जी जी या पोवाड्याने कार्यक्रमाची सांगता झाली. इतिहासाची पाने उजळवणाऱ्या, समतेची शिकवण देणाऱ्या या राजाच्या कर्तृत्वाची माहिती सांगणारे पत्रकही वाटण्यात आले. या कार्यक्रमाला तरुणाईचा उस्फुर्त प्रतिसाद लाभला. या उपक्रमा सोबतच लोकायत कडून एक दिवसीय वाचन शिबीर ही आयोजित करण्यात आले होते.
