साहित्य सम्राट पुणे संस्थेकडून माय मराठीच्या सेवेसाठी आणि संवर्धनासाठी अनेक नाविन्यपूर्ण उपक्रम सातत्याने राबविले जातात. यावर्षी संस्थेने सदाबहार सहपरिवार साहित्यिक श्रावण सहल या उपक्रमाचे आयोजन शहीद सुखदेव राजगुरू जन्मस्थान, शंभू महादेव डोंगर, चासकमान धरण आणि सॊमेश्वर मंदिर या ठिकाणी केले होते. दिवसभर निसर्गाच्या सानिध्यात मनसोक्त आनंद घेतल्यानंतर सर्वांनी सोमेश्वराच्या प्रसन्न प्रांगणात घरगुती जेवणाचा यथेच्छ आस्वाद घेतला.
कविसंमेलनाची सुरुवात छत्रपती शिवाजी महाराजांच्या पोवाड्याने झाल्याने कार्यक्रम रायगडासम उंचीवर पोहोचला. यामध्ये हा काव्यगड चढवणारे कवी शांतीलाल ननावरे, सूर्यकांत नामुगडे, किशोर टिळेकर, ऋषिकांत भोसले, प्रल्हाद शिंदे, नानाभाऊ माळी, आशा शिंदे, मसूद पटेल, दत्तात्रय पवार, वेदांत पवार, कांचन मुन, कविता काळे, शुभांगी शिंदे, सुवर्णा जाधव, विद्या पवार, दत्तात्रय खंडाळे, रुपाली अवचरे, उमाकांत आदमाने, ऋचा कर्वे, बाळकृष्ण अमृतकर, अशोक शिंदे, बाळासाहेब गिरी, अलका जोगदंड, सीताराम नरके, अशोक जाधव, विनोद अष्टुळ, जगदीप वनशिव, म.भा.चव्हाण आणि संध्या गोळे अशा अठ्ठेचाळीस कवी कवयित्रींनी आपल्या आशयघन कवितांनी काव्य रसिक योगिता रंदे,अर्चना अष्टुळ, उषा भरणे, सुनंदा अमृतकर, अमोल दौंडकर, सचिन कोळी आणि सर्व ग्रामस्थ यांची मने जिंकली.
