बार्टी आयोजित करणार लोकशाहीर अण्णाभाऊ साठे साहित्य संमेलन,
राज्यभरातील साहित्यिक कवी विचारवंत अभ्यासक होणार सहभागी

पुणे — दिनांक 28 जुलै प्रतिनिधी:डॉ बाबासाहेब आंबेडकर संशोधन व प्रशिक्षण संस्था (बार्टी) पुणे संस्थेच्या वतीने साहित्यरत्न लोकशाहीर अण्णाभाऊ साठे यांच्या 103 व्या जयंतीनिमित्त (वाटेगाव )सांगली आणि पुणे येथे विविध प्रबोधनात्मक कार्यक्रमाचे आयोजन करण्यात आले आहे.
साहित्यरत्न लोकशाहीर अण्णाभाऊ साठे यांच्या जयंतीनिमित्त राज्यस्तरीय साहित्य संमेलनाचे आयोजन करण्यात येणार असून साहित्य संमेलनाच्या नियोजन कार्यक्रमाची बैठक दिनांक 28 जुलै 2023 रोजी बार्टी, सभाग्रह येथे मा. ओमप्रकाश बकोरिया, आयुक्त समाज कल्याण महाराष्ट्र राज्य यांच्या अध्यक्षतेखाली व मा. सुनिल वारे, महासंचालक बार्टी पुणे यांच्या प्रमुख उपस्थितीत घेण्यात आली