आळंदी (मल्हार भाऊकाळे) : येथील श्री संत ज्ञानेश्वर महाराज संजीवन समाधी मंदिरात प्रथा परंपरांचे पालन करीत या वर्षी श्रावणातील पहिला सोमवार आणि नागपंचमी सण उत्साहात साजरा करण्यात आला. नेहमी प्रमाणे भाविकांच्या गर्दीने माऊली मंदिर परिसर गजबजून गेला होत. यावर्षीही श्रींचे दर्शनास भाविकांनी गर्दी केली. श्रावणातील पहिल्या सोमवार दिनी श्री आळंदी धाम सेवा समितीचे वतीने अध्यक्ष युवा उद्योजक राहुल चव्हाण यांचे वतीने वरिष्ठ पोलीस निरीक्षक रमेश पाटील, माऊली मंदिराचे व्यवस्थापक माऊली वीर यांचे हस्ते भाविकांना दूध प्रसादाचे वाटप करण्यात आले. आळंदी श्री सिद्धेश्वर महाराज मंदिरात ग्राम क्षेत्रोपाध्ये ज्ञाना सोमनाथ वाघमारे यांनी पौरोहित्य केले.
आळंदी येथील श्री आळंदी धाम सेवा समिती अध्यक्ष युवा उद्योजक राहुल चव्हाण यांच्या वतीने श्रावणी सोमवार निमित्त आळंदी माऊली मंदिरात भाविकांना दुध महाप्रसादाचे वाटप करण्यात आले. आळंदी मंदिरात श्रावणी सोमवार निमित्त पुरातन श्री सिद्धेश्वर महाराज मंदिरात भाविकांनी श्रींचे दर्शनास गर्दी केली होती. भाविकांनी रांगा लावून दर्शन घेतले. नागपंचमी सण आणि पहिला श्रावणी सोमवार या निमित्त यावेळी महिला भाविकांची गर्दी जास्त होती. श्रावणातील पहिला सोमवार आणि नागपंचमी एकत्र आल्याने मंदिरात भाविकांची गर्दी वाढली. श्रावणातील पहिला सोमवार निमित्त माऊली भक्त उद्योजक राहुल चव्हाण यांच्या श्री आळंदी धाम सेवा समितीचे वतीने पुरातन श्री सिद्धेश्वर महाराज आणि माऊली मंदिरात दर्शनास आलेल्या भाविकांना दुधमहाप्रसादाचे वाटप उत्साहात करण्यात आले. आळंदी संस्थांचे व्यवस्थापक ज्ञानेश्वर वीर, आळंदी पोलिस स्टेशनचे वरिष्ठ पोलिस निरीक्षक रमेश पाटील यांचे हस्ते प्रसाद वाटप झाले. यावेळी पोलीस नाईक मच्छिंद्र शेंडे,कष्टकरी कामगार पंचायत पूणे जिल्हाध्यक्ष मल्हार भाऊ काळे आळंदी जनहित फाउंडेशन कार्याध्यक्ष अर्जुन मेदनकर, उपाध्यक्ष महादेव पाखरे, अविनाश राळे, दिनेश कुऱ्हाडे, साईनाथ ताम्हाणे, सचिन शिंदे,नितीन ननवरे, माऊली घुंडरे, गोविंद ठाकूर, नंदकुमार वडगावकर, अमित डफळ, भागवत काटकर, अनिल जोगदंड, मनोहर दिवाने, पांडुरंग कांबळे आदी उपस्थित होते.
